Saturday, January 22, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

بیرسٹر فہد قتل کیس: عدالت نے دہشت گردی کی دفعات ختم کر ديں

بیرسٹر فہد قتل کیس: عدالت نے دہشت گردی کی دفعات ختم کر ديں
December 21, 2016

اسلام آباد (92نیوز) بیرسٹر فہد قتل کیس میں مقدمہ سے دہشت گردی کی دفعات ختم کرنے کا حکم دے دیا گیا۔ انسداد دہشت گردی عدالت نے ٹرائل کیلئے کیس سیشن جج کو بھجوا دیا۔ تفصیلات کے مطابق اسلام آباد کی انسداد دہشت گردی عدالت ميں فہد ملک قتل کیس کی سماعت ہوئی۔

عدالت نے ملزمان راجہ ارشد اور نعمان کھوکھر کی درخواست پر فيصلہ سناتے ہوئے دہشت گردی کی دفعات ختم کر ديں۔ عدالت نے کيس ٹرائل کيلئے سيشن جج کو بھيج ديا۔ عدالت نے حکم ديا ہے کہ آئندہ سماعت پر ملزموں کو سيشن جج ويسٹ کے سامنے پيش کيا جائے۔

واضح رہے انسداد دہشت گردی عدالت نے گزشتہ سماعت پر دہشت گردی کی دفعات ختم کرنے سے متعلق فيصلہ محفوظ کيا تھا۔