Tuesday, January 25, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

بھارت کیخلاف اچھی ٹیم میدان میں اتاریں گے ، سرفراز احمد

بھارت کیخلاف اچھی ٹیم میدان میں اتاریں گے ، سرفراز احمد
September 18, 2018
دبئی ( 92 نیوز) پاکستان کرکٹ ٹیم کے کپتان سرفرازاحمد نے کہا ہے کہ بھارت کے خلاف اچھی ٹیم میدان میں اتاریں گے ۔ میڈیا سے گفتگو کرتے ہوئے سرفرازاحمد کا کہنا تھاکہ  ماضی گزر گیا اب تمام تر توجہ اگلے میچ میں ہے ، کوشش کریں گے اچھی کارکردگی کا مظاہرہ کریں۔ کپتان سرفراز احمد نے کہا کہ  بھارت کے پاس اچھے کھلاڑی موجود ہیں ، ویرات کوہلی کی غیر موجودگی سے زیادہ فرق نہیں پڑے گا۔ پاک بھارت میچ کا ہمیشہ پریشر ہوتا ہے ، کوشش کریں گے کہ دباؤ نہ لیں اور اچھا کھیل پیش کریں ۔ سرفراز احمد کا کہنا تھا کہ دبئی کی کنڈیشن ہوم گراؤنڈ جیسے ہی ہے  ، ایشیا کپ کا شیڈول ہمارا نہیں ، اے سی سی کا معاملہ ہے ۔امید ہے شائقین کرکٹ کو بھارت کیخلاف اچھا میچ دیکھنے کو ملے گا،قوم کامیابی کیلئے دعا  کرے ۔ پاکستانی کرکٹ ٹیم کے کپتان نے   سابق کپتان اور وزیراعظم پاکستان سے متعلق کہا کہ اگر عمران خان  میچ دیکھنے کیلئے آتے ہیں تو کھلاڑیوں کا حوصلہ بڑھے گا۔