Saturday, August 20, 2022

بنگلا دیش کا پاکستان کے خلاف ون ڈے سیریز میں وائٹ واش

بنگلا دیش کا پاکستان کے خلاف ون ڈے سیریز میں وائٹ واش
ڈھاکا(92نیوز)بنگلا دیش نے پاکستان کے خلاف تاریخی کامیابی حاصل کر لی بنگال ٹائیگرز نے گرین شرٹس کو پہلی بار ون ڈے سیریز میں وائٹ واش کر دیا۔ تفصیلات کےمطابق سیریز کے تیسرے اور آخری میچ میں بنگلہ دیش نے سومیا سرکار کے کیرئیر کی پہلی سنچری کی بدولت پاکستان کو آٹھ وکٹوں سے ہرا دیا۔ بنگلا دیشی ٹیم کی طرف سے سومیا سرکار اور تمیم اقبال نے اننگز کا آغاز کیا۔ تمیم اقبال چونسٹھ رنز بنا کر آئوٹ ہوئے لیکن سومیا سرکار آخر تک کریز پر موجود رہے اور ناقابل شکست ایک سو ستائیس رنز  بنائے۔ محمود اللہ صرف چار رنز بنا پائے جبکہ مشفق الرحیم بھی انچاس رنز کے ساتھ ناٹ آئوٹ رہے۔ بنگلہ دیش کے دونوں کھلاڑیوں کو جنید خان نے آئوٹ کیا۔اس سے پہلے پاکستانی کپتان اظہر علی نے ٹاس جیت کر بیٹنگ کا فیصلہ کیا۔ اظہر علی نے سنچری اور حارث سہیل نے نصف سنچری بنائی سمیع اسلم پینتالیس رنز کے ساتھ نمایاں رہے بنگلہ دیش کے مشرفی، روبیل، عرفات اور  شکیب نے دو دو جبکہ ناصر حسین نے ایک کھلاڑی کو آئوٹ کیا۔