فرمان الہی

راولپنڈی: ( 92 نیوز) بلوچستان کے علاقے کچھی میں سکیورٹی فورسز نے آپریشن کے دوران 27دہشت گرد جہنم واصل کر دیئے۔

پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے دہشتگردوں کی موجودگی کی اطلاع پر آپریشن کیا۔

انہوں نے ان کے ٹھکانے کا گھیراؤ کیا، جس کے بعد شدید فائرنگ کے تبادلے کے دوران 27 دہشتگرد ہلاک ہوگئے۔

آئی ایس پی آر نے کہا ہے کہ آپریشن کے دوران دہشتگردوں کے ٹھکانے، اسلحے اور گولہ بارود کو بھی تباہ کر دیا گیا ہے۔

یہ بھی پڑھیں: وزیراعلیٰ پنجاب مریم نواز نے 3 مرلہ کے مفت پلاٹ سکیم کا آغاز کر دیا

آئی ایس پی آر کا بتانا ہے کہ مارے گئے دہشت گرد، فورسز اور شہریوں کے خلاف دہشتگردی کی کارروائیوں میں ملوث تھے اور قانون نافذ کرنے والے اداروں کو بھی انتہائی مطلوب تھے۔

آئی ایس پی آر نے مزید کہا کہ سکیورٹی فورسز بلوچستان کے امن، استحکام اور ترقی کو سبوتاژ کرنے کی کوششیں ناکام بنانے کے لیے پرعزم ہے۔