فرمان الہی

عظمیٰ بخاری نے کہا کہ کہ بشری بی بی میڈیا کو بتاتی ڈی چوک سے بھاگنے کا پلان ان کا تھا یا گنڈاپور کا تھا؟ بیچاری نے پہلا انقلاب لیڈ کیا وہ بھی گلے پڑ گیا۔

وزیر اطلاعات پنجاب عظمیٰ بخاری کا کہنا ہے کہ بدقسمتی دیکھیں 26 نومبر کو جو ”جھانسی کی رانی“بن رہی تھی آج وہ ”منہ چھپائی“رہی تھی، 23 نومبر کو شوہر کی طرح ازخود قوم سے خطاب کرنے والی بشری بی بی آج ”اچھی بچوں“کی طرح خاموش ہے۔

انہوں نے کہا کہ  24 اور 26 نومبر کو جویشلے خطاب کرنے والی بشری بی بی آج اپنا انقلابی بھاشن  پشاور چھوڑ آئی ہے،26  نومبر کو جو ڈی چوک فتح کرنے آئی تھی آج صحافیوں کے سوالوں پر ایک لفظ نہیں بول سکی۔

لیگی رہنما کا مزید کہنا تھا کہ بشری بی بی کی غیر سیاسی سوچ اور غیر سیاسی فیصلوں نے ان کی پارٹی کو تقسیم کیا ہے، پی ٹی آئی کا” انقلاب فروم ہوم “مہینے میں ایک بار انگڑائی لیتا ہے، جیسے ہی ریاست اپنی رٹ قائم  کرتی ہے انقلاب دم دبا کر بھاگ جاتا ہے۔