Saturday, January 22, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

باچا خان یونیورسٹی حملہ: ملزمان کے مقدمات ملٹری کورٹس میں بھجوانے کا فیصلہ

باچا خان یونیورسٹی حملہ: ملزمان کے مقدمات ملٹری کورٹس میں بھجوانے کا فیصلہ
February 1, 2016
اسلام آباد (92نیوز) خیبرپختوانخوا کی صوبائی حکومت نے باچا خان یونیورسٹی کے حملے کے ملزمان کے مقدمات ملٹری کورٹس میں بھجوانے کا فیصلہ کیا ہے۔ مقدمات ملٹری کورٹس میں بھجوانے کے لئے قانونی مشاورت مکمل کر لی گئی۔ تفصیلات کے مطابق صوبائی وزارت داخلہ نے باچا خان یونیورسٹی پر دہشت گرد حملے میں ملوث ملزمان کے مقدمات فوجی عدالتوں میں بھجوانے کا فیصلہ کیا ہے اور اس حوالے سے قانونی مشاورت مکمل کر لی گئی ہے۔ ذرائع کے مطابق صوبائی حکومت نے مقدمات ملٹری کورٹس میں بھجوانے کے لئے وفاق سے قانونی رائے بھی حاصل کر لی ہے اور وزارت قانون و انصاف نے طویل مشاورت کے بعد رائے دی ہے کہ ان مقدمات کو ملٹری کورٹس میں بھجوایا جا سکتا ہے۔ توقع کی جا رہی ہے کہ وزارت داخلہ اگلے ایک دو روز میں مقدمات فوجی عدالتوں میں منتقل کر دے گی جس کے بعد باچا خان یونیورسٹی پر حملے میں ملوث دہشت گرد ریاض، نور اللہ، عدیل ، ضیا اور ابراہیم کے مقدمات فوجی عدالتوں میں چلائے جائیں گے۔ ذرائع کے مطابق ملٹری کورٹس میں مقدمات کی سماعت کے دوران ملزمان کو وکیل کرنے اور اپنی صفائی پیش کرنے کا مکمل موقع فراہم کیا جائے گا۔