Sunday, October 2, 2022

بالی وڈ فلم ’بجرنگی بھائی جان‘ چین میں ریلیز کے لیئے تیار

بالی وڈ فلم ’بجرنگی بھائی جان‘ چین میں ریلیز کے لیئے تیار

ممبئی (ویب ڈیسک) سلمان خان کی فلم ’بجرنگی بھائی جان‘ 2 سال بعد اب چین میں نمائش کے لیے پیش کی جائے گی۔ بالی وڈ کی فلموں کے لیے بھارت کے بعد چین ایک بڑی مارکیٹ بن گئی ہے، اس سے قبل عامر خان کی 4 فلمیں چین میں نمائش کے لیے پیش ہوچکی ہیں۔

چینی ویب سائٹ کے مطابق سلمان خان کی فلم کو چینی زبان میں ڈب کیا گیا ہے جو دسمبر میں سنیما گھروں کی زینت بنے گی جب کہ 9 ہزار اسکرینوں پر فلم کو پیش کیا جائے گا۔

فلم ’لٹل لولیٹا مونکی کنگ بجرنگی بھائی جان‘ کے چینی نام سے ریلیز کی جائے گی، فلم میں 19 منٹ کے کٹ بھی لگائے گئے ہیں جس کے بعد چین میں فلم کا دورانیہ 140 منٹ کا ہوگا جو 2 گھنٹے 20 منٹ بنتا ہے۔

جولائی 2015 میں ریلیز ہونے والی اس فلم نے بھارت میں کمائی کے تمام ریکارڈ توڑ دیئے تھے اور 320 کروڑ کا بزنس کیا تھا۔