Sunday, November 28, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

بارہ یورپی ممالک نے مغربی کنارے میں اسرائیلی رہائشی منصوبے کی مخالفت کر دی

بارہ یورپی ممالک نے مغربی کنارے میں اسرائیلی رہائشی منصوبے کی مخالفت کر دی
October 29, 2021 --- ویب ڈیسک

برسلز (92 نیوز) اسرائیل کے توسیع پسندانہ عزائم کو بڑا دھچکا لگ گیا۔ بارہ یورپی ممالک نے مغربی کنارے میں اسرائیلی رہائشی منصوبے کی مخالفت کر دی۔

یورپی ممالک نے صہیونی ریاست سے فلسطینی علاقوں میں یہودی بستیوں کی تعمیر روکنے کا مطالبہ کر دیا اور کہا اسرائیل فلسطینی علاقے میں یہودی بستیوں کی تعمیر روک دے۔ یہودی بستیوں کی تعمیر بین الاقوامی قوانین کی خلاف ورزی ہے۔ اسرائیلی رہائشی منصوبے سے دو ریاستی حل کو نقصان پہنچے گا۔

اسرائیلی منصوبے کی مخالفت کرنے والوں میں جرمنی ،ڈنمارک ،بیلجئیم اور اسپین شامل ہیں۔ فن لینڈ، فرانس، آئرلینڈ، اٹلی، ہالینڈ اور ناروے کی بھی مخالفت سامنے آئی۔ ناروے،پولینڈ اور سویڈن نے بھی اسرائیل کیخلاف بیان جاری کیا۔

ادھر امریکی کانگریس میں فلسطینی این جی او کو دہشت گردوں کی فہرست میں شامل پر اسرائیل کے خلاف قرار داد پیش کی گئی۔ خاتون رکن کانگریس بیٹی میکولم سمیت دس قانون سازوں نے اسرائیلی حکومت کا فیصلہ جابرانہ قرار دے دیا۔