Friday, October 22, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

این سی او سی کا یکم ستمبر سے 17 سال کے افراد کی ویکسی نیشن شروع کرنے کا فیصلہ

این سی او سی کا یکم ستمبر سے 17 سال کے افراد کی ویکسی نیشن شروع کرنے کا فیصلہ
August 24, 2021 --- ویب ڈیسک

اسلام اباد (92 نیوز) ملک میں ویکسی نیشن کا عمل تیز کرنے کے لیے این سی او سی نے اہم فیصلے کر لیئے۔ یکم ستمبر سے 17 سال کے افراد کی ویکسی نیشن شروع ہو گی۔

این سی او سی کے سربراہ اسد عمر نے پریس کانفرنس میں کہا یکم ستمبر سے 17 سال سے زائد افراد کے لیے ویکسین شروع کر رہے ہیں۔ تعلیمی اداروں میں 89 فیصد اساتذہ اور عملے کی ویکسی نیشن ہو چکی ہے جبکہ 31 اگست کے بعد سکول ٹرانسپورٹرز بغیر ویکسین کام نہیں کر سکیں گے۔

این سی او سی کے سربراہ اسد عمر نے کہا کہ 30 ستمبر کے بعد مکمل ویکسی نیشن نہ ہونے پر فضائی سفر نہیں ہو سکے گا ۔ نان ویکسی نیٹڈ مسافر پاکستان آ سکیں گے نہ بیرون ملک جا سکیں گے ۔ 15 ستمبر کے بعد موٹرویزپر سفر کے لیے کم ازکم ایک ڈوز اور 15 اکتوبرکے بعد مکمل ویکسین نیشن لازمی ہو گی ۔ میٹرو بس اور ٹرین پر بھی 15 ستمبر کے بعد ویکسین کی ایک ڈوز ضروری ہو گی ۔

اسد عمر نے بتایا کہ ہوٹل اورگیسٹ ہاوسز میں بھی 30 اگست سے 30 ستمبر کی پابندیاں لاگو ہوں گی۔ معاون خصوصی برائے صحت ڈاکٹر فیصل سلطان کا کہنا تھا کہ کورونا ویکسین کے جعلی سرٹیفکیٹ بنانے اور بنوانے والوں کے خلاف کریک ڈاﺅن کیا جائے گا ۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔