Monday, December 5, 2022

این اے دو سو چھیالیس ضمنی انتخاب میں ایم کیو ایم کی کامیابی پر سکھر زونل آفس میں جشن، مختلف علاقوں سے ریلیاں نکالی گئیں

این اے دو سو چھیالیس ضمنی انتخاب میں ایم کیو ایم کی کامیابی پر سکھر زونل آفس میں جشن، مختلف علاقوں سے ریلیاں نکالی گئیں
کراچی (نائنٹی ٹو نیوز) کراچی کے حلقے این اے دو سو چھیالیس کے ضمنی انتخاب میں ایم کیو ایم کی کامیابی کی خوشی میں سکھر زونل آفس سے مرکزی ریلی نکالی گئی اور جشن منایا گیا۔ کارکنوں کی بڑی تعداد شام سے ہی موٹرسائیکلوں پر ایم کیو ایم زونل آفس میں جمع ہونا شروع ہو گئی تھی جو جیتنے کی خبر ملتے ہی سڑکوں پر آگئے، جیتنے کی خوشی میں سکھر کے مختلف علاقوں میں مٹھائی بھی تقسیم کی گئی۔ کارکنوں کا کہنا تھا کہ کراچی کی عوام نے ایک بار پھر ثابت کردیا کہ وہ الطاف حسین کے ساتھ ہیں۔ اس سے قبل نواں گوٹھ، پرانا سکھر، غریب آباد، ٹکر اور شالیمار سمیت دیگر علاقوں سے ریلیاں نکالی گئیں جو زونل آفس میں آکر مرکزی ریلی میں شامل ہوئیں۔ اس موقع پر کارکنان نے الطاف حسین کی تصاویر اور پارٹی پرچم اٹھا رکھے تھے۔ کارکنوں نے پارٹی نغموں پر ڈانس بھی کیا۔