Friday, January 28, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

اٹھاون کروڑ روپے کی لاگت سے دریائے راوی پر نئے پل کی تعمیر شروع

اٹھاون کروڑ روپے کی لاگت سے دریائے راوی پر نئے پل کی تعمیر شروع
April 7, 2016
لاہور (نائنٹی ٹو نیوز) پنجاب حکومت نے دریائے راوی پر نئے پل کی تعمیر شروع کر دی ہے جس پر اٹھاون کروڑ روپے لاگت آئے گی۔ چھے رویہ پل کی دو لائنیں میٹرو بس کیلئے مخصوص ہوں گی۔ میٹروبس چلنے کے بعد شہر میں ٹریفک کا بہاؤ بہتر ضرور ہوا لیکن راوی پل اور اس کے گردونواح کی سڑکوں پر ٹریفک جام رہنا بھی معمول بن گیا ہے جس سے لاہور شہر میں آنے اور جانے والوں کو شدید مشکلات کا سامنا کرنا پڑتا ہے۔ عوام کو اس عذاب سے نجات دلانے کیلئے پنجاب حکومت نے نئے پل کی تعمیر کا آغاز کر دیا ہے جو دس ماہ میں مکمل کیا جائے گا جبکہ اس پر اٹھاون کروڑ روپے لاگت آئے گی۔ چیف انجینئر ایل ڈی اے اسرار سعید کا کہنا ہے کہ چھے رویہ پل کی دو لائنیں میٹرو بس کے لیے مخصوص ہوں گی۔ منصوبے کے ٹھیکیدار کا کہنا ہے کہ روایتی پل کے بجائے جدید ڈیزائن کا پل تعمیر کیا جا رہا ہے۔ دوسری جانب شہری بھی پل کی تعمیر کے آغاز پر خوش دکھائی دیتے ہیں۔ کہتے ہیں کہ پل کی تکمیل سے جہاں آمدورفت میں آسانی ہو گی وہیں ایندھن کی بچت بھی ہو گی۔ آبادی میں اضافے کے ساتھ شہر میں گاڑیوں کی تعداد میں بھی اضافہ ہو رہا ہے جس کے لیے اس طرح کے منصوبوں کی اشد ضرورت ہے۔