اٹارنی جنرل ساڑھے 4 بجے پیش ہو کر دلائل دیں ، چیف جسٹس کے ریمارکس
اسلام آباد (92 نیوز) سپریم کورٹ میں آرٹیکل 62 ون ایف کی تشریح سے متعلق کیس میں چیف جسٹس نے ریمارکس دئیے کہ اٹارنی جنرل ساڑھے 4 بجے پیش ہو کر دلائل دیں ۔
سپریم کورٹ میں آرٹیکل 62 ون ایف کی تشریح سے متعلق کیس کی سماعت ہوئی ۔
سماعت میں اٹارنی جنرل کے پیش نہ ہونے پر عدالت برہم ہو گئی ۔
چیف جسٹس نے ریمارکس دیئے کہ اتنا اہم کیس چھوڑ کر وہ کیسے لاہور جا سکتے ہیں ۔
چیف جسٹس نے حکم دیا ہے کہ اٹارنی جنرل ساڑھے چار بجے پیش ہو کر دلائل دیں ۔ عدالت نے تحریری جواب کی استدعا بھی مسترد کر دی ۔
ادھر اٹارنی جنرل کے پیش نہ ہونے پر عدالت نے دس ہزار روپے جرمانہ کر دیا ۔ ایڈیشنل اٹارنی جنرل کی استدعا پر جرمانے کا حکم واپس لیا گیا ۔