Monday, January 17, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

آج بلاول جس کے فین بنے ہیں اس کی زبان بھی استعمال کر رہے ہیں: پرویز رشید

آج بلاول جس کے فین بنے ہیں اس کی زبان بھی استعمال کر رہے ہیں: پرویز رشید
May 11, 2016
اسلام آباد (نائنٹی ٹو نیوز) وزیر اطلاعات پرویز رشید نے کہا ہے کہ آج بلاول جس کے فین بنے ہیں اس کی زبان بھی استعمال کر رہے ہیں۔ کہتے ہیں پیپلزپارٹی کے چیئرمین جن کے فین ہیں ان کو بھی ہم ایک کان سے سنتے ہیں دوسرے سے نکال دیتے ہیں۔ وزیراعظم سوالات کے جواب ضرور دیں گے۔ اسلام آباد میں میڈیا سے گفتگو میں پرویز رشید نے بلاول کے باغ میں جلسہ عام سے خطاب پر انہیں خوب ہدف تنقید بنایا۔ کہا بلاول جس کے فین ہیں ان کو ہم  کچھ نہیں سمجھتے۔ ان دونوں کی باتوں کو ایک کان سے سن کر دوسرے سے نکالنا پڑتا ہے۔ پرویز رشید نے کہا کہ بلاول کے نانا کی پھانسی پر جس نے مٹھائی تقسیم کی بلاول انہی کے فین ہیں۔ پیپلز پارٹی کے چیئرمین سیاست سے واقف ہیں نہ ہی پاکستان کی تاریخ سے۔ وزیر اطلاعات کا کہنا تھا کہ وزیراعظم اپنے اوپر الزامات کے حقائق سے ضرور آگاہ کریں گے اور پارلیمنٹ میں بھی اس کا جواب دیں گے۔