Wednesday, October 20, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

آئی ڈی پیزکی آبائی گھروں کو واپسی پر خوشیوں کےقابل دیدمناظر

آئی ڈی پیزکی آبائی گھروں کو واپسی پر خوشیوں کےقابل دیدمناظر
March 21, 2015
مردان(نائنٹی ٹو نیوز)جنوبی وزیرستان آپریشن متاثرین کی طویل عرصے بعد اپنے آبائی علاقوں کو واپسی شروع ہوگئی ہے جس پر متاثرین انتہائی خوش نظر آرہے ہیں۔ ٹانک میں موجود جنوبی وزیرستان کے وہ رہائشی جو 8 سال کے طویل عرصے کے بعد اپنے گھروں کو واپس جا رہے ہیں، آبائی مٹی سے لمبے عرصے تک جدائی کے بعد واپسی پر متاثرین خوشی سے سرشار ہیں تاہم وہ اپنے علاقوں کی فوری بحالی چاہتے ہیں۔ واپس جانےوالوں میں ایسے بچے بھی شامل ہیں جو گھروں سے دور قیام کے دوران پیدا ہوئے اور پلے بڑھے، بندوبستی علاقوں میں پڑھنے والے یہ بچے پہلی بار جنوبی وزیرستان جا رہے ہیں، والدین اپنے بچوں کے لئے تعلیم کے یکساں مواقع چاہتے ہیں۔ متاثرین آپر یشن کی واپسی کا سلسلہ مر حلہ وار جا ری ہے، جنوبی وزیرستان کے متاثرین اپنے گھروں کو لوٹ رہے ہیں جبکہ شمالی وزیرستان کے متاثرین کی واپسی کے لئے رجسٹریشن کا عمل شروع  ہو گیا ہے ۔ متاثرین آپریشن 8 سال کے بعد اپنے گھروں کو روانہ ہو گئے ہیں اور وہ انتظامیہ کی جانب سے کئے گئے انتظامات سے بھی کافی مطمئن نظر آ رہے ہیں۔  
تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔