Thursday, January 20, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

اورنگی ٹاؤن میں فائرنگ سے دو پولیس اہلکار شہید

اورنگی ٹاؤن میں فائرنگ سے دو پولیس اہلکار شہید
June 17, 2019
کراچی ( 92 نیوز ) کراچی پولیس پھر امن دشمنوں کے نشانے پر آگئی ، اورنگی ٹاؤن میں نامعلوم افراد کی فائرنگ سے دو اہلکار شہید  ہو گئے ۔   احمد علی اور اللہ دتہ کو ڈیوٹی پر آتے ہوئے نشانہ بنایا گیا ، دونوں اہلکار ریزرو پولیس کا حصہ اور مومن آباد تھانے میں تعینات تھے ۔ کراچی میں امن دشمن دوبارہ سرگرم ہو گئے  ، اورنگی ٹاؤن ٹارگٹ کلنگ کی واردات  میں  پولیس اہلکار دہشتگردوں کا نشانہ بنے، اورنگی ٹاؤن نوری چوک پر 2 موٹرسائیکلوں پر سوار 4 دہشتگردوں نے گولیاں چلادیں، جس سے پولیس کے 2 جوان موقع پر ہی شہید ہوگئے ۔ حملہ آوروں کے فرار ہوتے وقت کی تصاویر سامنے آگئیں ،، چار ملزمان میں سے دو نے کیپ اور ایک نے ہیلمٹ پہن رکھا ہے۔ [caption id="attachment_227582" align="alignnone" width="500"] اورنگی ٹاؤن میں فائرنگ سے دو پولیس اہلکار شہید[/caption] ایس ایس پی ویسٹ کے مطابق پولیس اہلکار احمد علی اور اللہ دتہ مومن آباد تھانے میں ڈیوٹی کیلئے آرہے تھے  ، جبکہ نائن ایم ایم کے 4 خول تحویل میں لے لیے گئے  ، دونوں اہلکاروں کو دو، دو گولیاں لگیں ۔ حملہ آوروں کے فرار ہوتے ہوئے تصاویر سامنے آگئیں  ، جن میں 2 موٹرسائیکلوں پر 4 ملزمان کو دیکھا جاسکتا ہے  ، جن میں سے 2 نے موٹرسائیکل سے اتر کر گولیاں چلائیں،دو دہشتگردوں نے کیپ جبکہ ایک نے ہیلمٹ پہنا ہوا تھا ۔