Saturday, November 27, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

انتخابی عمل کا حصہ بننے پر بیرون ملک مقیم بیشتر پاکستانی خوش

انتخابی عمل کا حصہ بننے پر بیرون ملک مقیم بیشتر پاکستانی خوش
November 18, 2021 --- ویب ڈیسک

لندن (92 نیوز) انتخابی عمل کا حصہ بننے پر بیرون ملک مقیم بیشتر پاکستانی خوش ہیں۔

پارلیمنٹ کے مشترکہ اجلاس کی باز گشت سات سمندر پار بھی سنائی دی۔ کئی پاکستانیوں نے کہا عمران خان کا اوورسیز پاکستانیوں سے بھی وعدہ وفا ہو گیا۔

گزشتہ روز پارلیمنٹ کے مشترکہ اجلاس میں الیکٹرانک ووٹنگ مشین اور اوورسیز ووٹنگ کے بل منظور کر لیے گئے تھے۔

حکومت الیکشن کے نظام میں بڑی تبدیلی لے آئی، جی ہاں اب الیکشن میں ٹھپہ نہیں بٹن دبے گا۔ الیکشن ایکٹ سیکنڈ ترمیمی بل کی تحریک مشیر پارلیمانی امور بابر اعوان نے پیش کی تھی۔ الیکشن ایکٹ سیکنڈ ترمیمی بل کی تحریک کے حق میں 221، مخالفت میں 203 ووٹ آئے تھے۔

الیکٹرانک ووٹنگ مشین کے متعلق ترمیم کی شق وار منظوری دی گئی تھی۔ سینیٹر مشتاق احمد اور سینیٹر شیری رحمان کی ترامیم مسترد کر دی گئیں تھیں۔ پارلیمنٹ کے مشترکہ اجلاس میں فوجداری قانون ترمیمی بل 2021 کی منظوری بھی دی گئی تھی۔