Thursday, September 29, 2022

انتخابی اصلاحات ایکٹ 2017 کیخلاف تمام اپیلیں سماعت کیلئے مقرر

انتخابی اصلاحات ایکٹ 2017 کیخلاف تمام اپیلیں سماعت کیلئے مقرر

اسلام آباد (92 نیوز) انتخابی اصلاحات ایکٹ 2017 کو چیلنج کرنے کےمعاملہ میں چیف جسٹس میاں ثاقب نثار نے پیپلزپارٹی، شیخ رشید اور جمشید دستی سمیت 9 درخواست گزاروں کی جانب سے رجسٹرار کے اعتراضات کےخلاف اپیلوں کی سماعت کی۔
چیف جسٹس نے دلائل سننے کے بعد رجسٹرار آفس کے اعتراضات ختم کرتے ہوئے درخواستیں سماعت کے لئے مقرر کرنے کی ہدایت کر دی۔ رجسٹرار نے ان درخواستوں پر اعتراض لگاتے ہوئے درخواست گزاروں کو متعلقہ فورم سے رجوع کرنے کی ہدایت کی تھی۔
پیپلزپارٹی کی جانب سے لطیف کھوسہ ایڈووکیٹ نے درخواست دائر کی تھی جس میں وفاق، نوازشریف، سینٹ، قومی اسمبلی اور دیگر کو فریق بنایا گیا۔
درخواست میں موقف اختیار کیا گیا کہ قانون کے سیکشن 203 کے تحت سپریم کورٹ سے نا اہل ہونے والا شخص پارٹی کا سربراہ بن گیا ہے جس کے بعد تمام منتخب نمائندے اب نا اہل شخص کے سامنے جوابدہ ہو گئے ہیں۔ نا اہل شخص کے سامنے منتخب نمائندوں کا جوابدہ ہونا آئین کی خلاف ورزی ہے۔
نئے قانون کے تحت تمام نا اہل افراد کے لیے راستہ بنایا گیا ہے۔ عدالت سے استدعا ہے کہ کابینہ کو پارٹی صدر نواز شریف سے ہدایات لینے سے روکا جائے اور مسلم لیگ ن کے صدارتی انتخاب کو کالعدم قرار دیا جائے۔