انتخابات 2018 میں مجموعی طور پر سب سے زیادہ ووٹ پی ٹی آئی کو ڈالے گئے

اسلام آباد ( 92 نیوز) انتخابات 2018 میں ڈالے گئے ووٹوں میں مجموعی طور پر پی ٹی آئی کو سب سے زیادہ ووٹ ملے ۔ پاکستان تحریک انصاف کو ملک بھر میں ایک کروڑ 68 لاکھ ووٹ ملے ، امسال ملنے والے ووٹوں کی تعداد انتخابات 2013 کی نسبت تقریبا دوگنی ہے ۔ انتخابات 2018 میں مسلم لیگ ن کو ایک کروڑ 27 لاکھ ووٹ ملے ، یہ تعداد 2013 کے انتخابات کی نسبت  تقریباً 8فیصد کم ہے ۔ پیپلزپارٹی کے ووٹوں کی تعداد 2013 کی نسبت  2 فیصد جب کہ  ایم کیو ایم  کی 4 فیصد کم ہے ۔