Tuesday, January 18, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

امل کیس میں اہم پیشرفت،رکشہ گینگ کا ڈرائیور گرفتار

امل کیس میں اہم پیشرفت،رکشہ گینگ کا ڈرائیور گرفتار
September 25, 2018
کراچی ( 92 نیوز) کراچی میں پولیس مقابلے کے دوران گولی لگنےسے جاں بحق ہونے والی بچی امل کیس  میں پولیس کو بڑی کامیابی  حاصل ہو گئی ۔ پولیس نے رکشہ گینگ کے ڈرائیور خالد کو گرفتار کر لیا ۔ کراچی پولیس چیف ڈاکٹرامیرشیخ نے بتایاکہ ملزم رکشہ گینگ کا حصہ ہے ، ملزم کے قبضے سے اسلحہ، رکشہ اور موبائل فون برآمدکرلئے گئےہیں۔ ملزم نے پولیس کو ابتدائی بیان میں بتایاکہ وقوعے کے روز تین وارداتیں کی تھیں ، یہ بھی بتایاکہ وہ ہجرت کالونی کا رہائشی ہے  کشے میں وارداتیں کرتے تھے۔ کراچی پولیس چیف ڈاکٹرامیرشیخ کاکہناہےکہ ملزم نے مزیدسات وارداتوں کا بھی اعتراف کیاہے ، گرفتار ملزم کو جلد ریمانڈ کےلئے عدالت میں پیش کیاجائےگا۔ گزشتہ ماہ کی 13تاریخ کو ڈیفنس میں پولیس مقابلے کےدوران گولی لگنے امل جاں بحق ہوگئی تھی ، پولیس کی فائرنگ سے ایک ملزم بھی ماراگیاتھا۔