Saturday, November 27, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

امریکی ریاست وسکونسن میں پریڈ کے شرکا پر گاڑی چڑھانےکے واقعے پرفضا سوگوار

امریکی ریاست وسکونسن میں پریڈ کے شرکا پر گاڑی چڑھانےکے واقعے پرفضا سوگوار
November 23, 2021 --- ویب ڈیسک

واشنگٹن (92 نیوز) امریکی ریاست وسکونسن میں پریڈ کے شرکا پر گاڑی چڑھانےکے واقعے پر فضا سوگوار ہے۔

امریکی میڈیا کے مطابق پولیس نے گرفتار ملزم کی شناخت جاری کر دی۔ ملزم کی شناخت 39 سالہ ڈیرل ایڈورڈ بروکس کے نام سے ہوئی۔ واقعے میں 5 افراد ہلاک، 18 بچوں سمیت 40 سے زائد زخمی ہوئے۔

ایک شخص نے سرخ رنگ کی ایس یو وی گاڑی ملواؤکی شہر کے قریب واکیشا ٹاؤن کرسمس پریڈ پر چڑھا دی تھی جس کے نتیجے میں کئی افراد ہلاک اور 2 درجن کے قریب زخمی ہو گئے تھے۔

پولیس کے مطابق واقعے میں 12 بچے بھی زخمی ہوئے تھے جنہیں اسپتال منتقل کر دیا گیا ۔ پولیس نے سرخ رنگ کی ایس یو وی گاڑی کو تحویل میں لے لیا اور ڈرائیور کو گرفتار کر کے اس سے تفتیش کا آغاز کر دیا ہے۔

پولیس حکام کا کہنا ہے کہ واقعے کے تمام پہلوؤں پر تحقیقات کی جا رہی ہیں۔