Friday, January 21, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

امریکہ میں جاری حکومتی بحران پر سرکاری ملازمین شدید مشکلات کا شکار

امریکہ میں جاری حکومتی بحران پر سرکاری ملازمین شدید مشکلات کا شکار
January 8, 2019
واشنگٹن ( 92 نیوز) یوٹیلیٹی بلز کی ادائیگی بھی مشکل ہو گئی، امریکا میں جاری حکومتی بحران پر سرکاری ملازمین بھی پھٹ پڑے۔ ڈیموکریٹ سینیٹرکرس وین ہولن کے زیر اہتمام گول میز کانفرنس میں سرکاری ملازمین نے شرکت  کی   اور دل کی خوب بھڑاس نکالی ۔ سرکاری ملازمین کاکہنا تھا کہ 17 روز سے جاری حکومتی شٹ ڈاؤن کی وجہ سے انہیں کرسمس سے لیکر اب تک تنخواہیں نہیں ملیں جس کی وجہ سے انہیں  یوٹیلٹی بلز کی ادائیگی اور دوسری اشیائے ضروریہ خریدنے میں مشکلات کا سامنا ہے۔ ادھر حکومتی شٹ ڈاؤن سترہویں روز میں داخل ہونے سے سرکاری کام ٹھپ ہوکر رہ گئے ہیں،دوسری جانب  صدر ٹرمپ  نے جلد قوم سے خطاب اور میکسیکو بارڈرکا دورہ کرنے کا اعلان  کیا ہے ،جبکہ امریکی نائب صدر مائیک پنس اور انکے ساتھی ڈیموکریٹس سے مذاکرات کرنے میں مصروف  ہیں جس میں کوئی بڑا بریک تھرو نہیں ہوسکا۔