Saturday, January 22, 2022
براہراست ٹی وی براہراست نشریات(UK) آج کا اخبار English News
English News آج کا اخبار
براہراست ٹی وی براہراست نشریات(UK)

امریکا کی طرف سے فنڈنگ روکنے پر عالمی ادارہ صحت کے سربراہ کا اظہار افسوس

امریکا کی طرف سے فنڈنگ روکنے پر عالمی ادارہ صحت کے سربراہ کا اظہار افسوس
April 16, 2020
 برن (92 نیوز) عالمی ادارہ صحت نے امریکا کی جانب سے فنڈنگ روکنے کو قابل افسوس قرار دے دیا۔ ممکنہ مالی خلا پُر کرنے کیلئے دیگر ممالک سے امیدیں باندھ لیں۔ عالمی ادارہ صحت کے سربراہ ڈاکٹر ٹیڈروس آدھنم کا کہنا تھا کہ انہیں امریکی صدرکی جانب سے فنڈنگ روکنے پر افسوس ہے۔ عالمی ادارہ صحت نہ صرف کورونا بلکہ پولیو، ملیریا، ایبولا، ایڈز اور کینسر وغیرہ جیسی بہت سی بیماریوں اور مسائل سے برسرپیکار ہے۔ اس کے علاوہ انکا ادارہ مختلف ممالک میں نظام صحت کو مضبوط اور بہتر بنانے کیلئے بھی کام کر رہا ہے۔ ڈاکٹر ٹیڈروس نے مزید کہا کہ فنڈنگ معطلی کے اثرات کا جائزہ لے رہے ہیں۔ ادارے کے معاونین اور شراکت داروں کیساتھ مل کرممکنہ مالی خلا کو پُر کرنے کی کوشش کریں گے۔ اس موقع پر انہوں نے صحت عامہ، سائنس اور دنیا بھر کے لوگوں کی بلاخوف و امتیاز خدمت کے غیرمتزلزل عزم کو بھی دہرایا۔ اس سے قبل اقوام متحدہ، یورپی یونین، چین، جرمنی،فرانس، ایران اور آسٹریلیا سمیت متعدد ممالک اور اداروں کی جانب سے فنڈنگ روکنے کے امریکی فیصلے کی مذمت اور اس پر تشویش کا اظہار کیا جا چکا ہے۔