امریکا نے ایک بار پھر مقبوضہ کشمیر میں پرتشدد کارروائیوں پر تشویش کا اظہار کر دیا
نیویارک (ویب ڈیسک) ترجمان امریکی محکمہ خارجہ کا کہنا ہے کہ مسئلہ کشمیر کا حل پاکستان اوربھارت کو مل کرنکالنا ہے۔ تفصیلات کے مطابق امریکی محکمہ خارجہ کی ترجمان الزبتھ ٹروڈو نے بریفنگ دیتے ہوئے کہا ہے کہ مقبوضہ کشمیر میں کشیدگی سے آگاہ ہیں اور اس پر شدید تشویش بھی ہے۔ امریکا مسئلہ کشمیر کے پرامن حل کی کوششوں کی حوصلہ افزائی کرتا ہے۔
الزبتھ ٹروڈو کا کہنا تھا کہ اس حوالے سے پاکستان اور بھارت کے تمام مثبت اقدامات کی حمایت کرتے ہیں۔ مسئلہ کشمیرکاحل پاکستان اوربھارت کو مل کر نکالنا ہے۔ انہوں نے کہا کہ کشمیر سے متعلق امریکی موقف میں تبدیلی نہیں آئی۔ ٹروڈو نے بھارتی وزیر اعظم نریندر مودی کی پاکستان کے خلاف ہرزہ سرائی پر تبصرے سے گریز کیا۔