امریکا: بیٹری میں آگ لگنے کے واقعات‘ 5لاکھ ہوور بورڈز واپس منگوا لیے گئے

نیویارک (ویب ڈیسک) نت نئی ایجادات کبھی کبھار زحمت بھی بن جاتی ہیں۔ بیٹری میں آگ لگنے کی شکایات پر پانچ لاکھ ہوور بورڈز اسٹورز سے واپس منگوا لیے گئے۔   تفصیلات کے مطابق امریکا میں کنزیومر پروڈکٹس سیفٹی کمیشن نے الیکٹرک ہوور بورڈز کی بیٹری میں آگ لگنے کے واقعات کا نوٹس لیا تو دس کمپنیوں نے پانچ لاکھ ایک ہزار ہوور بورڈز مارکیٹ سے واپس منگوا لیے۔ دو پہیوں والا سیلف بیلسنگ اسکوٹر نوجوانوں میں خاصا مقبول ہے اوریورپ کی سڑکوں پر رواں دواں نظر آتے ہیں۔   اب تک ہوور بورڈز کی بیٹریوں کو آگ لگنے کے ننانوے واقعات رونما ہو چکے ہیں۔ ادھر انٹرنیشنل ائیر ٹرانسپورٹ ایسوسی ایشن نے مسافروں کے لیے ہدایات جاری کی ہیں کہ وہ دوران سفر ہوور بورڈز اپنے ساتھ جہاز میں نہیں رکھ سکیں گے۔