الیکشن کمیشن کی ویب سائٹ سے نواز شریف کا نام ہٹادیاگیا
اسلام آباد ( 92 نیوز ) عدالتی فیصلے کے بعد الیکشن کمیشن کی ویب سائٹ سے نواز شریف کا نام ہٹادیا گیا،ن لیگ کے صدر کا خانہ خالی ہو گیا ۔
نوازشریف کی پھر نااہلی کے بعد الیکشن کمیشن نے سپریم کورٹ کے حکم پر عملدرآمد کردیا اور اپنی ویب سائٹ سے نواز شریف کا بطور پارٹی صدر نام ہٹا دیا ۔ پاکستان مسلم لیگ ن کی صدارت کا خانہ خالی کر دیا گیا۔
الیکشن کمیشن نے اجلاس بھی فوری بلانے کا فیصلہ کر لیا جب کہ چاروں ممبران اور سینئر افسروں کو شہر سے باہر جانے سے روک دیا ہے ۔