Monday, December 6, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

الیکشن کمیشن کی اعظم سواتی کے وکیل کو شوکاز نوٹس کا جواب جمع کرانے کیلئے 15 دن کی مہلت

الیکشن کمیشن کی اعظم سواتی کے وکیل کو شوکاز نوٹس کا جواب جمع کرانے کیلئے 15 دن کی مہلت
October 26, 2021 --- ویب ڈیسک

اسلام آباد (92 نیوز) الیکشن کمیشن میں اعظم خان سواتی کے سنگین الزامات کے معاملے پر سماعت ہوئی، اعظم سواتی کے وکیل کو شوکاز نوٹس کا جواب جمع کرانے کے لئے 15 دن کی مہلت دیدی گئی۔

الیکشن کمیشن کے دو رکنی بنچ نے اعظم سواتی کے سنگین الزامات کے معاملے پر سماعت کی۔ وفاقی وزیر ریلوے اعظم سواتی الیکشن کمیشن کے سامنے پیش ہوئے۔

دوران سماعت اعظم سواتی کے معاون وکیل نے الیکشن کمیشن سے مہلت طلب کرتے ہوئے کہا کہ شوکاز نوٹس کا جواب دینے کے لیے ایک ماہ کا وقت مانگ لیا۔ بیرسٹر علی ظفر اسلام آباد میں موجود نہیں، وہ اعظم سواتی کی جانب سے جواب داخل کریں گے۔ الیکشن کمیشن نے15  دن کے اندر شوکاز نوٹس کا جواب جمع کرانے کی ہدایت کرتے ہوئے سماعت 11 نومبر تک ملتوی کر دی۔

میڈیا سے گفتگو کرتے ہوئے اعظم خان سواتی کا کہنا تھا کہ میرے پیش ہونے سے الیکشن کمیشن کا وقار مضبوط ہوا ہے۔ خوشی ہے کسی چوری ڈاکے کے کیس میں پیش نہیں ہو رہا۔

الیکشن کمیشن نے اعظم سواتی سے الزامات لگانے کے ثبوت مانگ رکھے ہیں۔ گزشتہ سماعت پر بھی اعظم سواتی کو شوکاز نوٹس جاری کیا گیا تھا۔