الیکشن کمیشن نے اسکروٹنی کی تاریخ 14جون سے بڑھاکر19جون کردی

اسلام آباد ( 92 نیوز) الیکشن کمیشن پاکستان نے انتخابات 2018 کیلئے امیدواروں کی اسکروٹنی کی تاریخ 14 جون سے بڑھا کر 19 جون کر دی ہے ۔ ریٹرننگ آفیسرز کے فیصلوں کے خلاف اپیلیں 22 جون تک  دائر ہو سکیں گی ۔ قبل ازیں الیکشن کمیشن نے کاغذات نامزدگی  جمع کرانے کی تاریخ  میں تین دن کی توسیع کر کے 8 جون سے 11جون کی تھی ۔ الیکشن کمیشن کےمطابق انتخابات 25جولائی کو ہی ہوں گے۔ دوسری جانب ملک کی تمام بڑی سیاسی جماعتوں کی جانب سے  تمام حلقوں کے پتے کھولنے کا سلسلہ جاری ہے  ۔ ملک بھر میں پاکستان تحریک انصاف ، پاکستان مسلم لیگ ن اور  پاکستان پیپلزپارٹی کے مابین سخت مقابلہ متوقع ہے ۔