Thursday, December 1, 2022

الیکشن ٹریبونل نے تحریک انصاف کے رکن قومی اسمبلی رائے حسن نواز کو اثاثے چھپانے پر نااہل قرار دیدیا، این اے 162 میں دوبارہ الیکشن کا حکم

الیکشن ٹریبونل نے تحریک انصاف کے رکن قومی اسمبلی رائے حسن نواز کو اثاثے چھپانے پر نااہل قرار دیدیا، این اے 162 میں دوبارہ الیکشن کا حکم
ساہیوال (92نیوز) تحریک انصاف کی ایک وکٹ گر گئی، اثاثے چھپانے پر این اے ایک سو باسٹھ ساہیوال سے رائے حسن نواز نااہل قرار دے دیئے گئے۔ الیکشن ٹریبونل نے حلقے میں دوبارہ انتخابات کرانے کا حکم دے دیا۔ الیکشن ٹریبونل میں سماعت کے موقع پر تحریک انصاف کے رہنما رائے حسن نواز کے وکیل پیش ہوئے۔ اس موقع ٹریبونل نے اثاثے چھپانے کا الزام درست ثابت ہونے پر رائے حسن نواز کو نا اہل قرار دے دیا۔ رائے حسن نواز این اے ایک سو باسٹھ ساہیوال سے منتخب ہوئے تھے۔ الیکشن ٹریبونل نے اس حلقے میں دوبارہ الیکشن کرانے کا حکم بھی جاری کر دیا۔