Sunday, September 25, 2022

الطاف حسین کی تقریر ملکی سالمیت پر حملہ ہے  : چودھری نثار

الطاف حسین کی تقریر ملکی سالمیت پر حملہ ہے  : چودھری نثار
اسلام آباد(92نیوز)اسلام آبا دمیں نیوزکانفرنس  کرتے  ہوئے   چودھری  نثار علی  نے کہا کہ الطاف   حسین  کی  تقریر نے تمام  حدیں  پار کردی ہیں  تقریر ملکی سالمیت  پر حملہ ہے فوج پر مضحکہ خیز الزام لگائے گئےایم  کیو ایم کے سربراہ نے  نیٹو افواج کو پاکستان میں آپریشن کرنے کی دعوت دی، دشمن   ملک سے  کہا  گیا کہ وہ مہاجروں کا  قتل  عام  روکنے  کے لئے آگے  آئے۔ تفصیلات کے مطابق وفاقی  وزیر داخلہ چودھری   نثار علی  خان کا کہنا ہے کہ  الطاف  حسین کی جانب سے  نیٹو  افواج اور دشمن  ملک کو  دعوت  دینا  ناقابل قبول ہے  قومی سلامتی کے اداروں کے خلاف  تقریریں کرنے پر برطانیہ  سے  رابطہ کرنے کا فیصلہ کیا ہے۔ وزیر داخلہ  نے کہا کہ  حکومت  نے  قومی  اداروں کے خلاف  تقاریر  کرنے پر  برطانیہ  سے  رابطہ کرنے کا فیصلہ  کیا ہے ان کا کہنا  تھا کہ  الطاف حسین کو اصل مسئلہ لندن کے مقدمات سے ہے جو پاکستان  نے نہیں برطانیہ   نے بنائے ہیں۔ عمران فاروق  قتل سے متعلق  جو بھی  ثبوت ہیں وہ  میٹرو پولیٹن پولیس کو فراہم کریں   گے،  چودھری   نثار علی  کا  کہنا  تھا کہ  کراچی میں قیام  امن کے لئے  رینجرز  فرنٹ  لائن پر موجود ہے، آپریشن  اسی   رفتار سے  جاری رہے  گا  کراچی کا  امن  پیسے لگانے والوں کو کیسے   ہضم ہو سکتا ہے وہ  اب  پیچ  کس  رہے ہیں۔ وفاقی  وزیر داخلہ   نے مزید  کہا کہ  رینجرز آپریشن سے کراچی میں جرائم کی شرح  میں کمی ہوئی ہے،  اغوا  برائے   تاوان کے  واقعات   میں  سو   فیصد کمی   آئی  ہے  ۔ انہوں نے  واضح  کیا کہ  ایم  کیو ایم  سے کسی کو  عداوت نہیں متحدہ  کے مینڈیٹ کا مکمل  احترام کرتے ہیں ۔