Friday, September 17, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی
رجحان

افغانستان کی صورتحال کے ہم ذمے دار نہیں، فواد چودھری

افغانستان کی صورتحال کے ہم ذمے دار نہیں، فواد چودھری
August 13, 2021 --- ویب ڈیسک

اسلام آباد (92 نیوز) وفاقی وزیر اطلاعات فواد چودھری کہتے ہیں، افغانستان کی صورتحال کے ہم ذمے دار نہیں، اسامہ نے امریکا پر ہم سے پوچھ کر بم نہیں مارا تھا۔

فواد چودھری نے اسلام آباد میں تقریب سے خطاب کرتے ہوئے کہا، ہم طالبان کو مذاکرات کی میز پر لائے، کابل میں تمام اسٹیک ہولڈرز کی حکومت چاہتے ہیں، افغان قیادت کے اثاثے اور خاندان بیرون ملک مقیم ہیں۔

اُنہوں نے کہا افغانستان کے واقعات کا اثر پاکستان پر بھی پڑا، کابل میں ایسی حکومت کے خواہاں ہیں جس پر تمام سیاسی جماعتیں اور عوام متفق ہوں۔

اُن کا کہنا تھا کہ، پاکستان کا بچاؤ تب ہی ممکن ہے جب ہم قائداعظم اور علامہ اقبال کے نظریات پر مبنی جدید مسلم ریاست قائم کریں۔ مزید کہا کہ، افسوس ہے کہ قومی اسمبلی گھریلو تشدد کے حوالے سے بل پاس نہیں کر سکی۔

وزیر اطلاعات بولے کہ، یونیورسٹیز کا جدید ٹیکنالوجی میں اہم کردار ہے، سائنس و ٹیکنالوجی، تعلیم کی وزارتوں نے پاکستان کا مستقبل روشن کرنا ہے۔ ملک میں اس وقت 217 یونیورسٹیاں کام کر رہی ہیں، صوبوں اور وفاق کو تعلیم کو آگے لے کر جانے کیلئے مل کر کام کرنا ہو گا۔

فواد چودھری کا مزید کہنا تھا کہ، افغان بچوں کو سکالر شپ کی سہولت دی جا رہی ہے، 6 ہزار بچے اس وقت بھی پاکستان میں زیر تعلیم ہیں۔

We will never bother you as we have advance notification system for the latest news and updates. You will see a button at bottom of page to disable anytime.