Saturday, November 27, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

اسکینڈل منظرعام پر آنے کے بعد آسٹریلین ٹیسٹ کرکٹ ٹیم کے کپتان ٹم پین کپتانی سے دستبردار

اسکینڈل منظرعام پر آنے کے بعد آسٹریلین ٹیسٹ کرکٹ ٹیم کے کپتان ٹم پین کپتانی سے دستبردار
November 19, 2021 --- ویب ڈیسک

کینبرا (92 نیوز) اسکینڈل منظرعام پر آنے کے بعد آسٹریلین ٹیسٹ کرکٹ ٹیم کے کپتان ٹم پین کپتانی سے دستبردار ہو گئے۔

ایشز سیریز کے آغاز سے قبل ہی آسٹریلین کرکٹ ٹیم کو بڑا دھچکا لگ گیا۔ ٹیسٹ ٹیم کے کپتان ٹم پین کو قیادت چھوڑنا پڑ گئی۔

آسٹریلوی میڈیا کے مطابق ٹم پین  پر  خاتون کو  نازیبا پیغامات  بھیجنے کے الزامات ہیں۔ ٹم پین نے 2017 میں اپنی ڈومیسٹک ٹیم  تسمانیہ کی سابق خاتون ملازمہ کو مبینہ طور پر  نازیبا پیغامات بھیجے تھے۔

ٹم پین نے  کہا مجھے اس پر بہت افسوس ہے میں نے اپنی فیملی اور فینز کو مایوس کیا  جو ہمیشہ میرے ساتھ کھڑے رہے۔

انگلینڈ اور آسٹریلیا کے درمیان ایشز سیریز کا آغاز 8 دسمبر کو ہونا ہے لیکن اب ٹم پین کی جگہ فاسٹ باؤلر پیٹ کمنز ٹیم کی قیادت کریں گے۔