Saturday, October 23, 2021
English News آج کا اخبار براہراست نشریات(UK) براہراست ٹی وی
English News آج کا اخبار
براہراست نشریات(UK) براہراست ٹی وی

ریفرنس دائر ہونے تک خواجہ آصف کی حاضری معافی کی درخواست منظور

ریفرنس دائر ہونے تک خواجہ آصف کی حاضری معافی کی درخواست منظور
August 12, 2021 --- ویب ڈیسک

لاہور (92 نیوز) خواجہ آصف کے خلاف آمدن سے زائد اثاثہ جات ریفرنس کی سماعت میں احتساب عدالت نے ریفرنس دائر ہونے تک خواجہ آصف کی حاضری معافی کی درخواست منظور کر لی۔

احتساب عدالت لاہور کے جج شیخ سجاد احمد نے لیگی رہنماء خواجہ محمد آصف کے خلاف آمدن سے زائد اثاثہ جات کیس کی سماعت کی۔ خواجہ محمد آصف کے وکیل نے عدالت کو بتایا کہ نیب نے خواجہ آصف کے خلاف ابھی تک ریفرنس دائر نہیں کیا۔ ریفرنس دائر ہونے تک حاضری معافی کی درخواست منظور کی جائے۔

نیب پراسیکیوٹر نے بتایا کہ جسمانی ریمانڈ میں نیب، جوڈیشل ریمانڈ میں جیل حکام جبکہ ضمانت پر ضمانتی کی ذمہ داری ہوتی ہے کہ ملزم کو پیش کرے۔ عدالتی حکم تک ملزم کا پیش ہونا ضروری ہے۔

عدالت نے دلائل مکمل ہونے پر ریفرنس دائر ہونے تک خواجہ محمد آصف کی حاضری معافی کی درخواست منظور کرتے ہوئے نیب کو جلد ریفرنس دائر کرنے کا حکم دے دیا۔

تازہ ترین خبریں حاصل کرنے کے لیے فوری اطلاع کی اجازت دیں

آپ کسی بھی وقت دائیں طرف نیچے بیل آئیکن پر صرف ایک کلک کے ذریعے آسانی سے سبسکرائب کر سکتے ہیں۔