آمدن سے زائد اثاثہ جات ، جاوید لطیف یکم جنوری کو نیب طلب
لاہور ( 92 نیوز) نیب نے آمدن سے زائد اثاثہ جات کی انکوائری کے لئے مسلم لیگ ن کے ایم این اے جاوید لطیف کو یکم جنوری کو دوبارہ طلب کرلیا۔
مسلم لیگ ن کے ایم این اے میاں جاوید لطیف سمیت سات افراد کو آمدن سے زائد اثاثہ جات کی انکوائری کے لئے یکم جنوری کو دوبارہ پیش ہونے کی ہدایت کی گئی ہے ۔ میاں جاوید لطیف کو نامکمل ریکارڈ فراہم کرنے پر دوبارہ طلب کیا گیا ہے۔
نیب کی جانب سے میاں انور لطیف ، میاں منور لطیف ، میاں امجد لطیف ، میاں اختر لطیف، جاوید لطیف کے بیٹے احسن لطیف اور والدہ ولایت لطیف کو بھی طلب کیا ہے۔
ذرائع کے مطابق میاں جاوید لطیف سمیت دیگر 7 افراد کو اس سے قبل 2 مرتبہ کال اپ نوٹسز جاری کیے گیے، پہلا نوٹس 12 دسمبر جبکہ دوسرا نوٹس 18 دسمبر کو جاری کیا گیا ۔ جاوہد لطیف 23 دسمبر کو اپنے کونسل کے ساتھ پیش ہوئے۔
ذرائع کے مطابق جاوید لطیف نے اپنے اور فیملی کے 7 ارکان کی جانب سے جواب جمع کروایا، کمبائن انوسٹی گیشن ٹیم کے سربراہ نے آئندہ پیشی پر دیگر دستاویزات ساتھ لانے کو کہا۔