Saturday, December 3, 2022

آرمی چیف سے امریکی سنٹرل کمانڈ کے سربراہ کی ملاقات‘ باہمی دلچسپی کے امور پر گفتگو

آرمی چیف سے امریکی سنٹرل کمانڈ کے سربراہ کی ملاقات‘ باہمی دلچسپی کے امور پر گفتگو

اسلام آباد (92نیوز) امریکی سینٹرل کمانڈ کے سربراہ جنرل جوزف نے جی ایچ کیو راولپنڈی میں آرمی چیف جنرل راحیل شریف سے ملاقات کی ہے۔ آئی ایس پی آر کے مطابق جنرل جوزف اور آرمی چیف جنرل راحیل شریف کے درمیان ہونے والی ملاقات میں دو طرفہ تعاون اور باہمی دلچسپی کے امور پر تبادلہ خیال کیا گیا۔

ملاقات میں خطے کی صورتحال اور افغانستان سے متعلق امور پر بھی بات چیت ہوئی۔ امریکی جنرل کی جانب سے خطے میں قیام امن اور استحکام کی کوششوں کے لیے پاک فوج کے کردار کی تعریف کی گئی۔

اس سے پہلے امریکی سینٹرل کمانڈ کے سربراہ کو جی ایچ کیو آمد پر گارڈ آف آنر پیش کیا گیا۔ امریکی جنرل جوزف نے جی ایچ کیو میں یاد گار شہداءپر پھولوں کی چادر بھی چڑھائی۔