Wednesday, September 28, 2022

آئی پی پیز نے حکومت کی 9 شرائط پر اعتراض عائد کر دیا

آئی پی پیز نے حکومت کی 9 شرائط پر اعتراض عائد کر دیا

اسلام آباو ( 92 نیوز) اربوں روپے غیر منصفانہ کمانے والے آئی پی پیز  کی ہٹ دھرمی ،حکومت کی 9 شرائط پر اعتراض عائد کردیا۔

آئی پی پیز حکام کے مطابق حکومت کو ریلیف دینے کیلئے تیار ہیں  مگر ٹی او آرز پر نہیں ، آئی پی پیز  کو پرکشش منافع دینے والے افسر ہی مذاکراتی کمیٹی کا حصہ بن گئے۔

ذرائع کے مطابق  بعض سرکاری افسران کی پس پردہ آئی پی پیز کو معاونت بھی جاری ہے ، آئی پی پیز نے ڈالر انڈیکسیشن ختم کرنے سے دوٹوک انکار کردیا، پاور پالیسی کے تحت منافع اور دیگر امور ڈالر کیساتھ منسلک تھے۔

آئی پی پیز حکومت کو من پسند شرائط پر معمولی ریلیف دینے پر تیار ہیں ، اضافی وصول کئے گئے اربوں روپے کی ریکوری پر تیار نہیں ، پاورپلانٹس کے ہیٹ ریٹ ٹیسٹ کروانےکی شرط پر بھی لیت ولعل سے کام  لیا جانے لگا  ۔