Saturday, January 28, 2023

آئی سی سی نے ورلڈ ٹیسٹ چیمپئن شپ کے دوسرے ایڈیشن کی تفصیلات جاری کر دیں

آئی سی سی نے ورلڈ ٹیسٹ چیمپئن شپ کے دوسرے ایڈیشن کی تفصیلات جاری  کر دیں

دبئی (92 نیوز) آئی سی سی نے ورلڈ ٹیسٹ چیمپئن شپ کے دوسرے ایڈیشن کی تفصیلات جاری کر دیں ۔ ورلڈ ٹیسٹ چیمپئن شپ کے دوسرے ایڈیشن میں نو ٹیمیں حصہ لیں گی۔

ہر ٹیم 31 مارچ 2023 تک چھ سیریز کھیلے گی۔ ہر ٹیم تین ہوم جبکہ تین اوے سیریز کھیلے گی۔ ایک میچ جیتنے پر 12 پوائنٹس ملیں گے۔ میچ ڈرا ہونے پر چار جبکہ میچ ٹائی ہونے پر 6 پوائنٹس ملیں گے۔

پاکستان ٹیم آسٹریلیا ، انگلینڈ اور نیوزی لینڈ کے خلاف ہوم ٹیسٹ سیریز جبکہ سری لنکا ، بنگلہ دیش اور ویسٹ انڈیز کے  ساتھ اوے ٹیسٹ سیریز کھیلے گی۔

 آئی سی سی ورلڈٖ ٹیسٹ چیمپئن شپ کا پہلا ٹائٹل نیوزی لینڈ نے  اپنے نام کیا تھا۔ دوسرے ایڈیشن کا آغاز 4 اگست سے  انگلینڈ اور بھارت کے درمیان ٹیسٹ سیریز سے ہو گا۔