Friday, June 25, 2021
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی

کیپٹن کرنل شیر خان شہید نشان حیدر کا 21 واں یوم شہادت آج منایا جا رہا ہے

کیپٹن کرنل شیر خان شہید نشان حیدر کا 21 واں یوم شہادت آج منایا جا رہا ہے
July 5, 2020
 اسلام آباد (92 نیوز) پاک فوج کے بہادر سپوت کیپٹن کرنل شیر خان شہید نشان حیدر کا 21 واں یوم شہادت آج عقیدت و احترام سے منایا جا رہا ہے ۔ کیپٹن کرنل شیر خان خیبر پختونخوا کے ضلع صوابی میں پیدا ہوئے۔ کیپٹن کرنل شیر خان چار بہن بھائیوں میں سب سے چھوٹے تھے۔ ان کی والدہ کا انتقال 1978 میں ہوا جب کرنل شیر خان کی عمر صرف آٹھ برس تھی۔ ابتداء میں انہوں نے ائیر مین کے طور پر پاکستان ائیر فورس میں شمولیت اختیار کر لی اور اور دو سال فضائیہ میں رہے۔ 1994 پاکستان ملٹری اکیڈمی کاکول سے تربیت مکمل کرنے کے بعد انکی پہلی تعیناتی اوکاڑہ میں ہوئی۔ جنوری 1998 میں انہوں نے خود کو لائن آف کنٹرول پر تعیناتی کے لئے پیش کیا جہاں وہ ستائیسویں سندھ رجمنٹ کی طرف سے ناردرن لائن انفنٹری میں تعینات ہوئے۔ کرنل شیر خان کی منگنی 1998میں ہوئی۔ اگلے ہی سال شادی کی تیاریاں زور و شور سے جاری تھیں کہ آپ کو 18400 فٹ بلند کارگل کے محاذ پر دفاع کا کام سونپا گیا۔ 28 جون 1999کو بھارتی افواج نے دراس کے علاقے پر حملہ کیا۔ کیپٹن کرنل شیر خان نے 41 فوجیوں کی قیادت کرتے ہوئے بھارتی فوج کو زبردست جانی نقصان سے دوچار کیا اور بھارتی فوج کو پسپا ہونا پڑا۔ اس معرکے میں کیپٹن کرنل شیر خان نے خود جام شہادت نوش کر لیا۔ حکومت پاکستان نے کیپٹن کرنل شیر خان کے عظیم کارنامے پر انہیں پاکستان کا اعلیٰ ترین فوجی اعزاز ”نشان حیدر“ عطا کیا جبکہ اب ان کے گاؤں کو بھی کرنل شیر خان کے نام سے منسوب کیا گیا ہے ۔