کسی مغالطہ میں نہ رہیں، کرتارپور منصوبہ اول تا آخر تک ایف ڈبلیو او نے کیا ، احسن اقبال

۰۳ نومبر, ۲۰۱۹ ۱۱:۴۲ دن

نارووال (92 نیوز) لیگی رہنما احسن اقبال نے وزیراعظم کے کرتارپور منصوبہ کے حوالے سے ٹویٹ پر کہا کسی مغالطہ میں نہ رہیں، منصوبہ اول تا آخر تک ایف ڈبلیو او نے کیا۔

لیگی رہنما احسن اقبال نے وزیراعظم کے ٹویٹ پر ردعمل میں کہا کہ آپ کی حکومت کرتی تو کرتارپور کا حشر بی آر ٹی جیسا کرتی، پاسپورٹ کی شرط ختم کرنے کا مطلب انٹرنیشنل بارڈر کنٹرول کی شرط ختم کرنا ہے۔

کیا کشمیر کا سودا کر کے اب نارووال کی دھرتی کا بھی سودا کرنے لگے ہیں؟

احسن اقبال کا کہنا تھا اناڑیوں نے معیشت تباہ کر ڈالی۔ کرنٹ اکاؤنٹ خسارے کی وجہ 12 ہزار میگاواٹ بجلی اور دیگر منصوبوں کا آغاز تھا جس کیلئے مشنری درآمد ہوئی۔

اس کی مثال تیز دوڑنے کے سبب ہیمسٹرنگ انجری سے دی جاسکتی ہے لیکن عمران خان نے کیموتھراپی دے کر مریض ہی مار ڈالا۔

تازہ ترین ویڈیوز