Saturday, April 17, 2021
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی

کراچی کے علاقے کلفٹن میں گاڑی کو بم سے اڑانے کا منصوبہ ناکام

کراچی کے علاقے کلفٹن میں گاڑی کو بم سے اڑانے کا منصوبہ ناکام
December 15, 2020

کراچی (92 نیوز) کراچی کے علاقے کلفٹن میں گاڑی کو بم سے اڑانے کا منصوبہ ناکام بنا دیا گیا۔ واقعے کی سی سی ٹی وی فوٹیج نائنٹی ٹونیوز نے حاصل کرلی۔

کلفٹن سے حاصل فوٹیج میں موٹر سائیکل سوار دو مشکوک افراد فوٹیج میں دیکھے جاسکتے ہیں۔ پولیس کے مطابق ابتدائی طور پر دونوں افراد کو مشتبہ قرار دیا گیا، پولیس کی جانب سے تفتیش جاری ہے۔

پولیس کے مطابق گاڑی میں نصب جدید ڈیوائس کو دیسی انداز میں تیار کیا گیا تھا۔ لوہے کی راڈ کے اندر بارودی مواد بھرا گیا، راڈ پر میگنیٹ کے ٹکڑے چسپاں تھے۔

پولیس حکام کا کہنا ہے کہ ریموٹ کنٹرول ڈیوائس میں سرخ اور سفید بٹن اور اینٹینا بھی لگا ہوا تھا، ریموٹ کنٹرول کے ذریعے بڑا دھماکہ کیا جا سکتا تھا۔ واقعہ میں بیرونی ہاتھ ملوث ہو سکتا ہے۔ ماضی میں کراچی کی دہشت گرد کارروائیاں کرنے والی تنظیم ملوث ہوسکتی ہیں۔