کراچی میں پی ایس ایل سیزن فور کی رونقیں شروع

پی ایس ایل سیزن فور یونیورسٹی کرکٹ
۱۴ فروری, ۲۰۱۹ ۶:۲۱ شام

 کراچی (92 نیوز) کراچی میں پی ایس ایل سیزن فور کی رونقیں لگ گئیں۔ یونیورسٹی کے طلبا نے بھی میچز دیکھنے کےلئے بھرپور تیاریاں کرلی ہیں۔

ملک بھر میں پی ایس ایل کی دھوم مچ گئی ہے۔ کراچی والے بھی خوب پرجوش ہیں۔ کرکٹ کے شوقین طلباء نے میچز دیکھنے کی تیاریاں کرلی ہیں۔

کسی نے دوستوں  کے ساتھ میچ دیکھنے کا پروگرام بنایا ہے تو کوئی اہلخانہ کے ساتھ چھکے اور چوکوں کے مزے لے گا۔

سب ہی  اپنی اپنی من پسند ٹیموں کو سپورٹ کر رہے ہیں اور کچھ اپنے پسندیدہ کھلاڑیوں کے گن گا رہے ہیں۔

طالب علموں کا کہنا ہے کہ کراچی میں ہونے والےمیچ تو وہ گراونڈ میں جا کر ہی دیکھیں گے۔

تازہ ترین ویڈیوز