کراچی ، پی ایس ایل میچ سے قبل بارش کی اننگز ، موسم سہانا ہوگیا

کراچی
۱۰ مارچ, ۲۰۱۹ ۳:۴۳ شام

کراچی ( 92 نیوز ) کراچی میں پی ایس ایل میچ سے قبل بارش نے اننگز کھیلی جس سے شہری جھوم اٹھے ، نیشنل اسٹیڈیم سمیت شہر کے مختلف علاقوں میں بادلوں کی لمبی بیٹنگ  سے شہری جھوم اٹھے ۔

نیشنل اسٹیڈیم کےاطراف میں بھی موسلا دھار بارش ہوئی ، پچ کو کورز سے ڈھانپ دیا گیا ،میچ دیکھنے کیلئے آنیوالے شائقین  بارش میں موج مستی کرتے رہے ۔

ڈالمیا،ڈیفنس،قیوم آباد،کلفٹن سمیت کئی علاقوں میں ابر رحمت  برسی ،ٹی 20 میچ کی طرح  بارش تھوڑے سے وقت میں ایسے کھل کر برسے کے  جل تھل ایک کر دیا، تیز بارش چند منٹ بعد ہی رک گئی ۔

بارش کے بعدموسم خوشگوار ہوا تو کرکٹ دیوانوں کے ایک ٹکٹ میں دو مزے ہوگئے ، شہر قائد کے باسی اب سہانا موسم  انجوائے کررہے ہیں تو شام کو  میچ کا لطف اٹھائیں گے۔

محکمہ موسمیات کے مطابق بارش کہیں کہیں رات گئے تک جاری رہے گی۔

تازہ ترین ویڈیوز