Monday, November 30, 2020
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی
رجحان

چاند کے روشن حصے پر مالیکیولر پانی کی دریافت کا دعویٰ

چاند کے روشن حصے پر مالیکیولر پانی کی دریافت کا دعویٰ
October 27, 2020 07:46 pm

واشنگٹن (92 نیوز) سائنسدانوں نے چاند کی آغوش میں پانی دریافت کر لیا، ناسا نے اعلان کیا ہے کہ اس کو چاند کے روشن حصے پر پانی کی موجودگی کے فیصلہ کُن ثبوت مل چکے ہیں۔

دو تحقیقات میں سے پہلی صوفیہ ٹیلی سکوپ سے کی گئی انفراریڈ شعاعوں کی مدد سے چاند کے روشن حصے کا مشاہدہ کرنے پر سائنسدانوں کو بالکل وہی رنگ ملے جو پانی کے مالیکیولز کی پہچان ہیں۔

دوسری تحقیق میں سائنسدانوں نے دائمی طور پر اندھیرے علاقوں کا مشاہدہ کیا جنھیں کولڈ ٹریپ کہا جاتا ہے ، چاند کے دونوں قطبوں پر دریافت ہونے والے کولڈ ٹریپس کی بدولت سائنسدانوں نے یہ نتیجہ اخذ کیا ہے کہ چاند کی سطح کا تقریباً 40 ہزار مربع میٹر علاقہ پانی کے مالیکیولز کو ہمیشہ کیلئے ٹریپ کرنے یا پھانسنے کی صلاحیت رکھتا ہے۔

مالیکیولر پانی کی دریافت سے چاند پر خلائی اڈہ بنانے کی امیدوں کو بھی تقویت ملی ہے ،تاہم مخصوص جگہ کا انتخاب کرنے کیلئے سائنسدانوں کو مزید معلومات درکار ہوں گی۔

چاند کی سطح پر پہلے بھی پانی کی موجودگی کی علامات ملتی رہی ہیں، لیکن نئی دریافتوں سے معلوم ہوتا ہے کہ پرانے تصورات کے برعکس چاند پر پانی کی کافی زیادہ مقدار موجود ہے۔

رابطہ کیجیے