پی ایس ایل کا تیسرا مرحلہ دبئی میں ختم ہو گیا

پی ایس ایل ٹورنامنٹ پشاور زلمی اسلام آباد یونائیٹڈ کوئٹہ گلیڈی ایٹرز ملتان سلطانز
۰۲ مارچ, ۲۰۱۹ ۳:۱۹ شام

 دبئی (92 نیوز) پی ایس ایل کا تیسرا مرحلہ دبئی میں ختم ہو گیا۔ ٹورنامنٹ کے اگلے چار میچز ابو ظہبی میں ہوں گے۔

اماراتی صحراؤں میں پاکستان سپر لیگ کا میلہ پورے روز و شور سے جاری ہے۔ سات مارچ سے پی ایس ایل کی رونقیں پاکستان منتقل ہو جائیں گی۔

دبئی مرحلے کے آخری روز بھی دو میچز کھیلے گئے۔ پہلے میچ میں پشاور زلمی نے ایک سنسنی خیز مقابلے کے بعد اسلام آباد یونائیٹڈ کو ہرا دیا۔ دوسرے میچ میں کوئٹہ گلیڈی ایٹرز نے باآسانی ملتان سلطانز کے خلاف کامیابی حاصل کی۔

پوائنٹس ٹیبل پر پشاور زلمی سر فہرست ہے۔ کوئٹہ گلیڈی ایٹرز دوسرے اور اسلام آباد یونائیٹڈ تیسرے نمبر پر ہے۔ لاہور قلندرز چوتھی، کراچی کنگز پانچویں پوزیشن پر ہے۔ ملتان سلطانز چار پوائنٹس کے ساتھ آخری نمبر پر ہے۔

تازہ ترین ویڈیوز