پولیو زدہ اپوزیشن ملکی ترقی کو اپاہج کرنیکی سازشوں میں مصروف ہے، فردوس عاشق

فردوس عاشق اعوان کا بیان میں کہنا ہے اپوزیشن کا غیر فطری اتحاد کورونا کا پروموٹر بن چکا ہے۔ جلسوں سے حکومت نہیں جائے گی لیکن کورونا ضرور گھر گھر آ رہا ہے۔

انہوں نے کہا کہ ایک شہزادہ کورونا کا شکار ہو کر اپنے محل میں بیٹھا ہے لیکن پھربھی جلسوں پر بضد ہے۔ جاتی امرا کی مہارانی کو عوام سے نہیں اقتدار سے غرض ہے۔

اُن کا مزید کہنا تھا، پشاور جلسے کے بعد کورونا کیس بڑھ گئے، ملتان میں ایک بار پھر تماشہ لگایا جا رہا ہے۔ عوام کے جان و مال کا تحفظ پنجاب حکومت کی اولین ذمے داری ہے۔ قانون سے کوئی بالاتر نہیں۔