Thursday, November 26, 2020
Urdu Web Newspaper 92news Live(UK) 92news Live(PK)
Urdu Web Newspaper
92news Live(UK) 92news Live(PK)
Hot Topics

پولیس ناکے پر فائرنگ سے شہید ہونیوالے اہلکاروں کی نما زجنازہ ادا

پولیس ناکے پر فائرنگ سے شہید ہونیوالے اہلکاروں کی نما زجنازہ ادا
August 22, 2019 04:07 pm

اسلام آباد ( 92 نیوز) اسلام آباد میں ناکے پر فائرنگ سے شہید ہونے والے 2 پولیس اہلکاروں کی نمازجنازہ ادا کردی گئی ۔ وزیرداخلہ بریگیڈیئرریٹائرڈ اعجاز شاہ، آئی جی سمیت پولیس کے اعلیٰ افسران اورعام شہریوں کی بڑی تعداد نے نماز جنازہ میں شرکت کی ، میتیں ورثا کے حوالے کردی گئیں۔ آئی جے پی روڈ پر منڈی موڑ پولیس ناکے پر فائرنگ میں شہید ہونے والے پولیس کے 2 جوانوں کی نمازجنازہ پولیس لائن میں ادا کردی گئی۔ نماز جنازہ کی ادائیگی کے بعد محمد ثقلین اور خرم شہزاد کی میتیں ورثا کے حوالے کر دی گئیں۔ گزشتہ رات نامعلوم ملزمان نے پولیس ناکے پر فائرنگ کی جس سے  ایک اہلکار جہانزیب زخمی بھی ہوا، پولیس ذرائع کے مطابق اہلکاروں کو ٹارگٹ کر کے شہید کیا گیا۔ آئی جی نے واقعے کا نوٹس ‏لیتے ہوئے تحقیقات کے لیے2 ٹیمیں تشکیل دے رکھی ہیں ،  شہید جوانوں کے خاندانوں کے لئے 60 سال تک مکمل تنخواہ اور تمام تر سہولیات سمیت شہدا کے بچوں کو مفت تعلیم دینے کا اعلان بھی کیا گیا ہے۔

Contact Details