Sunday, January 24, 2021
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی

پنجاب کے ارکان اسمبلی کی تنخواہ کے پی کے رکن کے برابرکی گئی ہے ، شہباز گل

پنجاب کے ارکان اسمبلی کی تنخواہ کے پی کے رکن کے برابرکی گئی ہے ، شہباز گل
March 14, 2019
 لاہور (92 نیوز) وزیر اعلیٰ پنجاب کے ترجمان شہباز گل نے کہا ہے کہ پنجاب کے ارکان اسمبلی کی تنخواہ کے پی کے رکن کے برابرکی گئی ہے۔ اپوزیشن کے بل کو حکومت نے ٹیک اوور کیا، ساری باتوں کے باوجود اس بل کا دفاع مشکل ہے۔ ترجمان وزیر اعلیٰ پنجاب ڈاکٹرشہبازگل نے لاہور میں نیوز کانفرنس کرتے ہوئے کہا کہ وزیراعلیٰ پنجاب کو گاڑی، سکیورٹی، گھر اور الاؤنس کی خبروں پر وزیراعظم کے علاوہ وزیراعلیٰ پنجاب نے بھی مایوسی ظاہر کی ہے۔ بل وزیر اعلیٰ آفس کے پاس ہے، صرف سکیورٹی کی منظوری دی گئی ہے باقی چیزوں  کی نہیں۔ ترجمان وزیر اعلیٰ پنجاب شہباز گل نے کہا کہ رکن پنجاب اسمبلی محض اٹھارہ ہزار روپے تنخواہ لے رہا تھا۔ اب ایم پی ایز کی بنیادی تنخواہ خیبرپختونخوا کے ارکان کے برابر کر دی گئی ہے۔ وزیر اعلیٰ پنجاب کے ترجمان کا کہنا تھا کہ بلوچستان کے وزیر اعلیٰ کی نسبت اب بھی وزیر اعلیٰ پنجاب کی تنخواہ نصف ہے، بل ن لیگ کے رکن نے پیش کیا تھا، انہوں نے واضح کیا کہ وہ خود بھی تنخوا اور مراعات نہیں لیتے مگر اس بات کا ذکر نہیں کرتے۔