Sunday, May 16, 2021
٩٢ نیوز انگلش آج کا اخبار براہراست نشریات(UK) براہراست ٹی وی
٩٢ نیوز انگلش آج کا اخبار
براہراست نشریات(UK) براہراست ٹی وی

پنجاب حکومت نے سڑکوں کی تعمیر کیلئے خزانے کے منہ کھول دیئے

پنجاب حکومت نے سڑکوں کی تعمیر کیلئے خزانے کے منہ کھول دیئے
March 24, 2021

لاہور (92 نیوز) پنجاب حکومت نے سڑکوں کی تعمیر کیلئے خزانے کے منہ کھول دیئے۔

چیئرمین پی اینڈ ڈی بورڈ کی زیر صدارت صوبائی ترقیاتی ورکنگ پارٹی کا اجلاس ہوا۔ اجلاس میں روڈز سیکٹر کی تئیس ترقیاتی اسکیموں کیلئے ایک کھرب بہتر ارب ستاون کروڑ جاری کرنے کی منظوری دی گئی۔

وہاڑی تا عبد الحکیم روڈ کو دو رویہ کرنے کیلئے 10 ارب 63 کروڑ روپے سے زائد منظور کیئے گئے۔ مظفر گڑھ و لیہ میں کرم داد قریشی تا لیہ تک روڈ کیلئے 28 ارب 57 کروڑ 64 لاکھ روپے منظور کیئے گئے۔ سرگودھا خوشاب میانوالی روڈ کو دو رویہ کرنے کیلئے 10 ارب 86 کروڑ سے زائد کی منظوری دی گئی۔ سیال موڑ انٹر چینج تا سرگودھا باءونڈری تک روڈ کو دو رویہ کرنے کیلئے 19 ارب روپے سے زائد منظور کیئے گئے۔

تمام اسکیمیں منظوری کے بعد پبلک سیکٹر ڈویلپمنٹ پروگرام کو بھجوا دی گئیں ۔ تمام اسکیموں کو آئندہ بجٹ میں شمولیت کیلئے پبلک سیکٹر ڈویلپمنٹ پروگرام کو تجویز کیا گیا ہے۔ ممبران پی اینڈ ڈی بورڈ اور متعلقہ سیکٹرز کے افسران بھی اجلاس میں شریک ہوئے۔