Wednesday, November 25, 2020
Urdu Web Newspaper 92news Live(UK) 92news Live(PK)
Urdu Web Newspaper
92news Live(UK) 92news Live(PK)
Hot Topics

پشاور موڑ پر اتوار بازار میں بڑی آتشزدگی، 300اسٹالز جل گئے

پشاور موڑ پر اتوار بازار میں بڑی آتشزدگی، 300اسٹالز جل گئے
October 29, 2019 04:54 pm

اسلام آباد (92 نیوز) پشاور موڑ کے قریب واقع اسلام آباد کے سب سے بڑے ہفتہ وار بازار میں  ایک بار پھر آگ بھڑک اٹھی جس سے سینکڑوں اسٹال جل کر راکھ ہو گئے ، فائر بریگیڈ کی 12 گاڑیوں نے تین  گھنٹوں کی جدو جہد کے بعد آگ پر قابو پالیا ، ڈی سی اسلام آباد نے تحقیقاتی کمیٹی قائم کر دی۔ اسلام آباد ہفتہ وار بازار ایک بار پھر آگ کے شعلوں کی لپیٹ میں  آگیا  ، پشاور موڑ کے قریب واقع بازار میں علی الصبح آگ بھڑکی  جس نے دیکھتے ہی  سینکڑوں اسٹالز کو لپیٹ میں لے لیا ، آگ لگنے سے گارمنٹس اور لنڈے کے اسٹالز جل کر خاکستر ہو گئے ،فائر بریگیڈ کی 12 گاڑیوں نے بروقت کارروائی کرتے ہوئے آگ پر مکمل طور پر قابو پالیا۔ آگ لگنے کی وجہ فی الحال معلوم نہ ہو سکی ، تاہم ڈپٹی کمشنر اسلام آباد حمزہ شفقات نے انکوائری کمیٹی قائم کر دی ، کمیٹی میں پولیس ، بازارانتظامیہ  اور اے سی انڈسٹریل شامل ہیں  جو اپنی اپنی رپورٹ جمع کرائیں گے ۔ آگ ایچ نائن سیکٹر میں لگی جہاں مولانا فضل الرحمان آزادی مارچ کا جلسہ کریں گے ،اس بازار میں کل تین ہزار کے قریب اسٹالز موجود ہیں  اور یہاں رواں سال 18 جولائی سمیت متعدد بار  آتشزدگی کے واقعات رونما ہوچکے ہیں۔

Contact Details