پاکستان نے بھارتی وزیر خارجہ کا اشتعال انگیز بیان مسترد کر دیا

پاکستان ، بھارتی وزیر خارجہ ،اشتعال انگیز،بیان مسترد ،اسلا م آباد ،92 نیوز
۱۸ ستمبر, ۲۰۱۹ ۳:۰۲ دن

اسلا م آباد (92 نیوز) پاکستان نے بھارتی وزیر خارجہ کا اشتعال انگیز بیان مسترد کر دیا۔ ترجمان دفترخارجہ کا کہناہے کہ بھارتی وزیرخارجہ کا پاکستان اور آزاد کشمیر سے متعلق بیان اشتعال انگیز،غیرذمہ دارانہ اور انتہائی قابل مذمت ہے،بھارت کا عملی طور پر آزادکشمیر پر قبضے کابیان تشویش ناک ہے۔

ڈاکٹر محمد فیصل نے ردعمل کا اظہار کرتے ہو ئے کہا کہ بھارتی جارحانہ عزائم حالات کو مزید کشیدہ اور علاقائی سلامتی کو دائو پر لگانے کے مترادف ہیں، دنیا بھارت کے جارحانہ عزائم کا سنجیدگی سے نوٹس لے۔

ترجمان کامزید کہناتھاکہ پاکستان پرامن ملک ہے، تاہم ہر جارحیت کا بھرپور جواب دیں گے، جنگی جنون کو ہوا دینے کی بجائے بھارت مقبوضہ کشمیر میں غیرقانونی اقدامات بند اور تشدد ختم کرے۔

تازہ ترین ویڈیوز