وزیر اعظم کی زیر صدارت وفاقی کابینہ کا اجلاس شروع ہوگیا


وزیر اعظم وفاقی کابینہ اسلام آباد ‏ ‏92 نیوز عمران خان ‏ سیاسی اور معاشی صورتحال ‏
۱۰ دسمبر, ۲۰۱۹ ۱۰:۰۸ دن

اسلام آباد ( 92 نیوز)  وزیر اعظم عمران خان نے وفاقی کابینہ اجلاس شروع ہوگیا  ، اجلاس میں ملکی سیاسی اور معاشی صورتحال پر غور جبکہ وفاقی کابینہ کو بجلی اور گیس کی قیمتوں سے متعلق بریفنگ دی جائے گی۔

وزیراعظم عمران خان کی زیر صدارت وفاقی کابینہ کے اجلاس میں 10 نکاتی ایجنڈا پر غور کیا جائے گا  ، اجلاس میں آٹے اور چینی کی ناجائز قیمتیں بڑھانے سے متعلق مسابقتی کمیشن کی رپورٹ پیش کی جائے گی ۔

اسلام آباد لوکل گورنمنٹ کمیشن کی تشکیل کی منظوری کابینہ ایجنڈا کا حصہ ہے  ، کابینہ کراچی ایئرپورٹ کی اراضی کے ڈومیسٹک اجارہ سکوک جاری کرنے کے معاملے پر غور کرے گی۔

بلوچستان کی خصوصی ایپلیٹ عدالت برائے انسداد سمگلنگ کے جج کی تعیناتی کی منظوری بھی دی جائے گی، وزارت قومی صحت کے زیر تعمیر ترقیاتی منصوبوں کی تکمیل کی اجازت کابینہ ایجنڈا میں شامل ہے ۔

وفاقی کابینہ ورکرز ویلفیئر فنڈ کی گورننگ باڈی کی تشکیل نو کی منظوری بھی دے گی۔

تازہ ترین ویڈیوز